24 January 2010

Iha Inisiu Fulan Janeiro 2010 Tribunal Distrital Oe-Cusse La hala'o Julgamentu

ETLJB Editor's Note: Unfortunately, despite the many millions of donor money spent in the justice sector in East Timor, JSMP -a leading and respected justice sector civil society organisation - still can not translate the critical reports it publishes on the legal system. Consequently, the following report on the Oecusse District Court is only available in Tetum. Shame donors! Shame!

Judicial System Monitoring Program Dili Timor-Leste Komunikado Imprensa Janeiro 2010 - Iha semana 2 inisiu fulan Janeiro 2010 Tribunal Distrital Oe-Cusse (TDO) la iha agenda julgamentu ba kazu ruma tantu kazu krime no civil. Situasaun ne’e akontese tanba Juiz nain rua ne’ebe maka toma konta serbisu iha area Jurisdisaun tribunal Oecusse nian sei dauk fila husi ferias. Juiz nain rua ne’e mak Dr. Antonio Helder no Dr. Francisco Fereira ne’ebe maka passa ferias Natal no Ano Novo nian ne’e seidauk hala’o ninia kna’ar iha sira nia serbisu fatin tanba sira sei iha Dili.

Sr. Vasco Kehi nu’udar Ofisial Justisa iha TDO,. iha nia servisu fatin esplika katak tanba juiz sira seidauk fila husi sira nia feiras, nune’e julgamentu seidauk bele hala’o”. Nune’e mos tuir ofisial ne’e haktuir katak, tuir agenda TDO nian ne’ebe konfirmadu ona katak, julgamentu foin bele hahu fali iha dia 19, 20 no 21 de Janeiro. Ofisial Justisa ne’e mos esplika katak, kazu 4 tuir mai ne’ebe maka agenda tiha ona atu julga iha data hirak ne’ebe determinadu iha leten mak hanesan tuir mai ne’e:

1. Prosesu No. 48/PCO/09/TDO [ Arg. E T]
2. Prosesu No.47/PCO/09/TDO [ Arg. C K]
3. Prosesu No. 26/PCO/09/TDO [Arg. C C]
4. Prosesu No. 49/PCO/09/TDO [ Arg. I d R].

Tuir livro regista nian ne’ebe maka Ofisial Justisa TDO nian inforna katak, volume kazu iha TDO la duun barak.Nia mos esplika katak iha fulan Janeiro nia laran, iha deit prosesu singular 4 ne’ebe maka regista ona mai be kazu sira ne’e tama iha tinan uluk 2009 nian.

Alende numeru kazu ne’ebe uitoan, ofisial ne’e mos esplika katak, “iha TDO ikus-ikus ne’e kazu laduun barak maka regista. Maske akontese kazu ruma, partes sira refere liu ba rezolve tuir kustume ou tesi iha lia nain sira”.

Kona ba kazu Civil, ofisial ne’e hateten katak durante tinan kotuk liu ba TDO prosesa kazu ida ka rua deit. Tanba prosesu civil ne’e nia prosesual kleur. Nune’e TDO durante ne’e sei fokus liu liu ba prosesu krime nian.

Hare husi situasaun aktual sira ne’ebe maka akontese iha Tribunal Distrital de Oe-Cusse no Tribunal Distrital sira seluk, JSMP hakarak ho honestidade requere ba orgaun kompetente atu tau matan ho buka meius atu aumenta tan atór tribunal, funsionarius sira hodi nune’e bele responde ba nesesidade kada tribunal ninian hodi halo servisu tribunal nian efetivo liu tan iha tempu oin mai.

Atu hetan informasaun klaru favor kontaktu: Luis de Oliveira Sampaio Diretor Ezekutivu JSMP Diresaun e-mail: luis@jsmp.minihub.org Landline: 3323883

No comments:

Related Posts Plugin for WordPress, Blogger...