26 February 2010

Land and Property Directorate Publishes Cadastral Maps in Land Registration Pilot Area of Manatuto

Only available in Tetum at the moment) Komunikado, 24 Febreiru 2010 DNTPSC HALAO TAN PUBLIKSAUN MAPA RAI-NIAN IHA AREA PILOTU MANATUTO - Director Direçcão Nacional de Terras, Propriedades e Serviços Cadastrais (DNTPSC), halo publikasaun mapa rai-nian ba  iha Kapital Distritu Manatutu no Distritu Liquica. Sr. Antonio Verdial de Sousa, Director DNTPSC hateten katak “Publikasaun mapa ne’e halao ba dala ikus ona iha Kapital Distritu Manatuto no ba Distrito Liquisa sei iha tan publikasaun seluk.  Director ne’e hatutan hodi husu ba maluk nai’n ba rai sira iha area nebe refere atu ba hare sira nia dadus iha publikasaun refere hodi aprova ita bo’ot sira nia dadus.  Karik iha dadus ruma nebe sala ka halo reklamasaun hasoru ema ruma nebe hala deklarasaun ba ema seluk nia rai”. 
Levantamentu de dadus kona-ba rai no na’in ba rai autorizada husi Ministra da Justiça liu husi Dekretu Ministerial No. 229/2008 de 1 Julhu 2008.  Dekretu ida ne’e fó mandatu ba DNTPSC atu hala’o publikasaun ba dadus ne’ebe rekolha tiha ona.  Prazu minimal ba publikasaun ne’e maka loron 30 (semana 6) durante tempu servisu. 

Area ne’ebe sei inklui iha prosesu mapa publikasaun ne’e maka hanesan :

·         Distritu Liquica, Sub-Distritu Bazartete, Suco Maumeta, Aldeia Nartuto; Publikasaun hahu iha loron 15 Febreiru to’o 29 Marsu 2010 no

·         Distritu Manatuto, Sub-Distritu Manatuto, Suco Aiteas, Aldeia Bi’uac, Uma Sau, no Carlilo; Publikasaun hahu iha loron 23 Febreiru – 7 Abril 2010.  .

Publikasaun hanesan prosesu hodi fo garantia ba transparensia, tanba fo oportunidade ba populasaun atu verifika dadus ne’ebe foti iha nivel local.  Durante tempu ne’e, ema sei bele hato’o deklarasaun foun ida, no mos bele hatama reklamasaun, ne’ebe hanesan disputa ida kontra ema seluk nia deklarasaun.  Bainhira publikasaun hotu ona, ema sei labele hatama deklarasaun foun ka halo reklamasaun ba ema seluk nia deklarasaun iha area ne’ebe refere.  Durante tempu publikasaun, mapa ho lista deklarante sei bele hetan iha nivel 4: nivel local (iha aldeia ka suco), nivel distrital no iha DTPSC , iha nivel nasional mapa sei publika iha sede DNTPSC, no iha nivel internasional liu husi Internet www.itaniarai.tl

Programa Ita Nia Rai ho durasaun tinan Lima (2007 – 2012) hetan fundus husi Governu Amerikano liu hosi USAID hodi tulun Governu Timor Leste atu asegura direitu ba rai no propriedade iha Timor Leste.  Servisu hamutuk ho DNTPSC (Ministerio da Justiça), programa ida ne'e atu fó asistensia téknika no suporta regulamentu ba dezenvolvimento sustentavel no transparante ba sistema administrasaun rai iha Timor-Leste.  Dadaun ne’e prosesu foti dadus kona-ba rai halao ona  iha Capital Distritu Aileu, Baucau, Bobonaro, Liquiçá, Manatuto, Oecusse, Dili no la kleur tan sei habelar ba Capital Distritu Lautém no Covalima. 

- Remata -
Post a Comment
Related Posts Plugin for WordPress, Blogger...