05 December 2016

Tribunál Distritál Suai kondena pena tinan 10 prizaun ba arguidu ne’ebé komete krime abuzu seksuál ba menór

JUDICIAL SYSTEM MONITORING PROGRAMME
PROGRAMA MONITORIZASAUN SISTEMA JUDISIÁL



Komunikadu Imprensa
Tribunál Distritál Suai
09 Maiu 2016

Tribunál Distritál Suai kondena pena tinan 10 prizaun ba arguidu ne’ebé komete krime abuzu seksuál ba menór

Iha 03 Maiu 2016, Tribunál Distritál Suai prezide leitura akordaun no kondena arguidu MdC ho pena prizaun tinan 10. Tribunál deskobre katak arguidu provadu komete krime abuzu seksuál hasoru lezada ne’ebé foin tinan 11.  Tribunál deskobre katak arguidu obriga kolu lezada nia ropa, hatuur lezada iha nia hitin halo abuzu seksuál ba lezada.

Tribunaìl konklui katak arguidu provadu kontra artigu 177 (2) Koìdigu Penal kona-ba praìtika aktu seksuaìl relevante ho labarik ne’ebeì seidauk tinan 14 ho moldura penal tinan 5 to’o 15 konjuga ho artigu 182 (1) letra (a) Koìdigu Penaìl kona-ba agravasaun. Ne’e implika nia moldura penal agrava datoluk ida iha nia limite miìnimu no maìximu tanba viìtima nia idade ki’ik liu tinan 12.

Durante julgamentu arguidu rekuza faktus sira ne’ebé akuza ba nia. Maibé bazeia ba deklarasaun hosi lezada ne’ebé kontinua matein ho faktu sira katak arguidu komete duni krime refere. Aleinde ne’e tribunál mós prova bazeia ba depoimentu hosi lezada nia maun ne’ebé hare akontesimentu no reforsa liutan ho prova dokumental sira hanesan fotografia no relatóriu médiku hosi Ospitál Referal Ainaro ne’ebé hatudu indikasaun katak iha kanek no moras iha nia-orgaun seksuál.

"JSMP konsidera esforsu tomak hosi tribunál atu lori arguidu sira kumpri sira ninia hahalok iha prizaun maibé JSMP kontinua husu tribunál atu kondena arguidu sira ho pena másimu tuir lei penal haruka atu asegura katak iha balansu entre sentensa no gravidade hosi krime ne’ebé arguidu sira komete" dehan Diretór Ezekutivu JSMP, Luis de Oliveira Sampaio.

JSMP hanoin katak sentensa ne’e la atinze pena másimu hosi krime ne’e, tanba pena másimu ne’ebé agrava hosi krime ne’e tuir loloos mak tenke tinan 20 iha prizaun. Enkuantu sentensa ba krime ne’e mak tinan 10 prizaun mesmu kazu ne’e arguidu komete hasoru vítima ne’e foin mak tinan 11.

JSMP kontinua husu ba tribunaìl sira atu aleinde kondena arguidu sira ho pena prizaun, kondena mós arguidu sira selu indemnizasaun sivíl ba lezada, nu’udar forma reparasaun no rekonÞesementu ida ba lezada nia sofrementu.

Hanesan dalabarak ona JSMP subliña katak abuzu seksuál ba labarik iha kualker maneira tenke konsidera hanesan hahalok ne’ebé grave tebe-tebes, nune’e resposta krime hirak ne’e tenke ho maneira ida ne’ebé komprensivu atu ekilíbriu ho arguidu nia hahalok. Krime abuzu seksuál hasoru labarik la merese hetan toleransia atu ema hotu sente katak tantu sosiédade no instituisaun publiku sira kondena makaas abuzu seksuál ba labarik sira.

Iha alegasaun finál, ministériu públiku husu ba tribunál atu kondena arguidu ho pena prizaun tinan 12. Entretantu defeza husu ba tribunál atu tetu didiak kazu ne’e no aplika pena ne’ebé justu no adekuadu ba arguidu.

Kazu ne’e rejista iha tribunál ho Númeru Prosesu: 22/pen/2016/TDS. Julgamentu akordaun ne’e prezide hosi reprezentante juis koletivu, Dr. Samuel da Costa Pacheco. Ministériu Públiku reprezenta hosi Dr. Bartolomeu de Araújo no arguidu hetan defeza hosi Dr. Manuel Amaral hosi Eskritóriu Defensória Públiku.

ETLJB

No comments: