24 April 2018

Sumáriu Kazu Tribunál Distritál Oe-Cusse Períodu Fevereiru 2018

JUDICIAL SYSTEM MONITORING PROGRAMME PROGRAMA MONITORIZASAUN SISTEMA JUDISIÁRIU

Sumáriu Kazu

Tribunál Distritál Oe-Cusse

Períodu Fevereiru 2018

 Afirmasaun: Sumáriu Kazu tuirmai ne’e deskreve faktu sira no prosesu iha tribunál tuir JSMP nia monitorizasaun independente, no deklarasaun ne’ebé parte sira fó iha tribunál nia laran. Informasaun ne’e la reprezenta JSMP nia hanoin hanesan instituisaun ida.

JSMP kondena maka’as forma violénsia hotu-hotu, liuliu hasoru feto no ema vulneravel. JSMP afirma la iha justifikasaun ba violénsia hasoru feto.

Sumáriu prosesu julgamentu kazu iha Tribunál Distritál Oe-Cusse[1]

1.   Totál kazu ne’ebé JSMP monitoriza: 7



Artigu

Tipu kazu

Númeru

Artigu 145 Kódigu Penál (KP) & artigu 2, 3, no 35 letra (b) Lei Kontra Violénsia Doméstika (LKVD)

Ofensa ba integridade fízika simples ho natureza violénsia doméstika no tipu ilísitu sira kona-ba violénsia doméstika

1

Artigu 174, 161, 138 no 172 (KP)

Explorasaun seksuál ba ema seluk, raptu, omisídiu tentadu no violasaun seksuál

1

Artigu 316 (KP)

Krime kontrabandu

3

Artigu 145 ho 161 (KP)

Ofensa ba integridade fízika simples no krime raptu ho tentadu

1

Artigu 252 (KP)

Furtu agravadu

1

Totál



7



2.      Totál desizaun ne’ebé JSMP monitoriza : 1



Tipu desizaun

Númeru

Suspensaun ba pena prizaun nia ezekusaun - Artigu 68 KP

1

Totál                                                   

1





3.      Totál kazu sira ne’ebé adia tuir JSMP monitorizasaun : 1



Razaun adiamentu

Númeru

Juis kolektivu laiha tempu sufisiente

1

Totál                                                   

1



4. Total kazu sira ne’ebé kontinua prosesu tuir JSMP nia monitorizasaun: 5

B. Deskripsaun sumáriu julgamentu ba desizaun kazu sira



1.      Krime ofensa ba integridade fízika simples ho natureza violénsia doméstika



Nú. Prosesu                             : 0011/17.OEOSL

Kompozisaun Tribunál            : Singulár

Juis                                          : Dr. João Ribeiro

Prokuradór                              : Dr. Mateus Nessi

Defeza                                     : Dr. Marcelino Marques Coro

Tipu pena                                : Pena prizaun tinan 1 no suspende ba tinan 1



Iha 05 Fevereiru 2018, Tribunál Distritál Oe-Cusse prezide julgamentu leitura sentensa ba krime ofensa ba integridade fízika simples ho natureza violénsia doméstika ne’ebé envolve arguidu DdSA hasoru nia feen, iha Distritu Oe-Cusse.



Akuzasaun Prokuradór

Prokuradór akuza katak iha 25 Jullu 2017, maisumenus iha tuku 08.00 dadeer, arguidu tuku dala 1 iha lezada nia matan fukun parte karuk, no tuku dala 3 iha lezada nia kotuk laran. Arguidu kontinua basa dala 2 iha lezada nia kanuruk no rezulta lezada sofre moras iha matan, kotuk laran no kanuruk. Kazu ne’e anexa mós ho relatóriu médiku husi PRADET no fotografía husi Polísia-VPU.



Prokuradór akuza arguidu kontra artigu 145 Kódigu Penál kona-ba ofensa ba integridade fízika simples ho moldura penál to’o tinan 3 ka multa no konjuga ho artigu 2, 3, 35 letra (b) no artigu 36 Lei Kontra Violénsia Dométika (LKVD).



Produsaun prova

Durante julgamentu, arguidu konfesa faktus hotu iha akuzasaun, arguidu mós deklara katak arrepende ona nia hahalok. Arguidu servisu hanesan argrikultór, laiha rendimentu fixu kada fulan no iha oan na’in 2. Arguidu promete ba Tribunál katak sei la-halo tan krime hasoru nia feen ka ema seluk iha futuru. Arguidu konsiente katak baku ema nia isin bele kauza moras ba ema nia saúde fízika. Arguidu deklara katak depoisde akontesementu ne’e sira dame malu kedas no até agora moris hamutuk iha uma 1 hanesan feen ho laen.



Tribunál prezinde lezada nia deklarasaun tanba iha audensia julgamentu arguidu konfesa faktus hotu iha akuzasaun no husi Prokuradór no Defeza konkorda ho pedidu ne’e.



Alegasaun finál

Prokuradór haktuir katak arguidu provadu komete krime hasoru lezada. Prokuradór rejista katak kazu violénsia doméstika barak liu akontese iha Rejiaun Oe-Cusse kompara ho distritu sira seluk. Tanba ne’e husu baTribunál atu aplika pena tuir artigu 145 Kódigu Penál.



Iha parte seluk Defeza haktuir katak arguidu deklara hotu faktus ne’ebé akuza ba nia, arrepende ona nia hahalok no promete sei la komete tan krime hasoru lezada iha futuru. Tanba ne’e husu ba Tribunál aplika pena ne’ebé adekuadu ba arguidu tuir nia sala.



Desizaun

Bazeia ba faktus provadu sira ne’ebé prodús durante julgamentu, Tribunál konklui prosesu ne’e no kondena arguidu ho pena prizaun tinan 1 no suspende ba tinan 1.


[1]Sumáriu Kazu fulan-Fevereiru 2018 ne’e prodús ho númeru kazu limitadu tanba iha semana dahuluk,Tribunál Distritál Oe-Cusse (TDO) hala’o deit julgamentu ba kazu violénsia doméstika ida. Iha semana daruak , laiha julgamentu tanba Juis tun-mai DILI  hodi  halo preparasaun ba julgamentu kolektivu nian. Semana datoluk, hala’o julgamentu ba kazu kolektivu ne’ebé nia prosesu sei kontinua ba fulan oin no  juiz TDO tun-fali mai DIli hodi asiste serimonia funerál matebian Juiz Dr. Constâncio Barros Basmeri. Iha semana dahaat, iha loron Segunda ho Terxa-feira laiha julgamentu no julgamentu kontinua fali iha Quarta-feira.

Post a Comment

Featured Post

Volunteer or Donor Opportunity Proposed ETLJB Project East Timor Court Reports Database

BASIC OUTLINE OF JSMP EAST TIMOR COURT REPORTS PROJECT DRAFT 17 MAY 2017 (C) wwright2018 JUSTIFICATION One of the long-hel...

Related Posts Plugin for WordPress, Blogger...