10 May 2018

JSMP formalmente halo seremónia deskolasaun observadór sira ba munisípiu selesionadu sira atu halo observasaun ba Eleisaun Antesipada 2018


Logo JSMP Waren Leslie Wright
JUDICIAL SYSTEM MONITORING PROGRAMME PROGRAMA MONITORIZASAUN BA SISTEMA JUDISIÁRIU Komunikadu Imprensa Dili, 9 Maiu 2018

JSMP formalmente halo seremónia deskolasaun observadór sira ba munisípiu selesionadu sira atu halo observasaun ba Eleisaun Antesipada 2018

JSMP iha 09 Maiu 2018, formalmente halo seremónia haruka nia observadór sira hodi ba munisípiu hodi halo observasaun ba Eleisaun Antesipada iha 12 Maiu 2018. Munisípiu sira ne’ebé JSMP sei halo observasaun mak Munisípiu Aileu, Dili, Ermera, Liquisa no Covalima.
Objetivu hosi observasaun ne’e mak atu asegura katak prosesu eleisaun tenke la’o ho transparénsia, imparsiál, kredível, justu no akontável, partikularmente kumpri rekezitu konstitusionál no legál sira. Eleisaun ba órgaun soberania sira tenke prinsípiu sufrájiu universál, livre, direta, sekretu, pesoál no periódiku ne’ebé konsagra iha Konstituisaun Artigu 65.1 kona-ba Eleisaun, nune’e mós lei eleitorál rasik.



“Eleisaun Jerál Parlamentár Antesipada 12 Maiu 2018 nu’udar rekursu ikus liu (último recurso) no desizaun polítiku ida-ne’ebé aas liu ho nia lejitimidade ne’ebé mai hosi povu tomak hodi solusiona impase polítika ne’ebé mosu depoisde eleisaun parlamentár 2017 nian”, dehan Diretór Ezekutivu JSMP, Luis de Oliveira Sampaio.

JSMP rekomenda no enkoraja sidadaun hothotu ne’ebé atinze ona idade eleitorál tuir lei atu vota hodi bele ezerse sira-nia direitu polítiku no kontribui ba estabilidade nasionál no salva guarda interese nasionál. JSMP mós husu ba partidu polítiku sira hotu atu prontu hodi bele simu ho liman rua rezultadu eleisaun ne’ebé mai hosi vontade popular povu nian.

Timor-Leste goja tiha ona ninia susesu sira ba organizasaun eleisaun nasionál sira liuba kotuk no hetan apresiasaun hosi komunidade internasionál ba susesu hirak ne’e. Tanba ne’e povu Timor- Leste tomak merese atu sente orgullu no kontinua mantein prestijiu hirak ne’e atu hametin pas iha Timor-Leste no sai referensi ba nasaun sira seluk iha mundu.

Observadór sira ne’e kompostu hosi pesoál JSMP no estudante estajiáriu Fakuldade Direitu no Relasaun Internasionál hosi Universidade da Paz (UNPAZ) no mós Dili Institute of Technology
Rua setubal, Colmera, Dili Timor Leste PoBox: 275
Telefone: 3323883 |77295795
www.jsmp.tl
Facebook: www.facebook.com/timorleste.jsmp Twitter: @JSMPtl
JUDICIAL SYSTEM MONITORING PROGRAMME PROGRAMA MONITORIZASAUN BA SISTEMA JUDISIÁRIU
(DIT). 

Totál observadór hamutuk na’in 23 ne’ebé kompostu hosi pesoál JSMP na’in 8 no estudante universitáriu hamutuk na’in 15.

Atu hetan informasaun liutan favor kontaktu direitamente:

Luis de Oliveira Sampaio Diretór Ezekutivu JSMP Diresaun e-mail: luis@jsmp.tl Telefone: 3323883 | 77295795

No comments: