JSMP Dili Novembru 2009TRIBUNAL DISTRITAL SUAI HALAO JULGAMENTU BA KAZU VIOLENSIA SEKSUAL - Iha dia 10 – 11 Novembru 2009, Tribunal Distrital Suai hala`o julgamentu ba kazu violensia seksual 2 (rua) no tentativu violasaun seksual 1 (ida). Julgamentu ne`e prezide husi Juiz painel nain tolu mak hanesan Juiz João Paulo Vasconcelos Raposo ( Juiz Internasional ) Juiz João Felgeiras ( Juiz Internasional ) Juiz Fernando Fereira ( Juiz Internasional) no vitima sira acompanha husi Procurador Reinato Bere Nahak, no arguidu sira acompanha husi Dr. Marçal Mascarinhas ( Defensor Publik ) no Dr. Benjamin Barros ( Advogadu Privadu husi LBH Covalima )
Husi kazu tolu ne’ebe`e mak julga iha momentu ne’e, kazu ida mak nia prosesu hetan ona desizaun husi Tribunal Distrital Suai iha tinan 2007., Maibe tamba arguidu nia defensor halo rekursu hasoru desizaun ne’e, tanba ne’e Tribunal Recursu husu atu julga fali kazu ne`e komesa husi primeiru (review fila-fali kazu ne`e husi inisíu). Vitima husi kazu tolu ne`e maioria mesak minoridade iha momentu kazu hirak ne’e akontese ( entre nain tolu ne’e nain ida 11 anos no rua seluk 14 anos ) no vitima sira ne`e sei iha relasaun familia ho arguidu sira.
Ministeriu Publiku akuza arguidu sira ho artigu 287 KUHP Indonesia junto artigu 53 KUHP Indonesia., Maske arguidu sira deklara iha tribunal katak sira rezolve ona problema tuir sistema tradisional, maibe juiz nafatin simu akuzasaun ne’ebe aprezenta husi ministeriu puliku., Kazu sira ne`e seidauk hetan desizaun final husi Tribunal Distrital Suai, tamba sei presija tan testamunha., Maibe tuir planu kazu rua husi kazu tolu ne’e sei hetan desizaun iha dia 2 Dezembru 2009
Kazu tolu ne`e ida akontese iha tinan klaran 2005 no kazu rua seluk akontese iha 2007. Iha julgamentu nia laran arguidu sira konfesa, tuir buat ne’ebe vitima hateten.
JSMP konsidera no kongratula konsistensia tribunal nudar pasu pozitivu tanba hakarak kontinua julga kazu hirak ne’e (kazu violensia ), maske entre arguidu sira ho vitima rezolve ona sira nia problema tuir prosesu tradisional. Tanba tuir juiz kaer ba lei katak kazu violasaun seksual nudar krimi todan ne’ebe nia rezulusaun tenke julga liu husi desizaun tribunal. ,
Maske JSMP fiar katak tribunal sei konsidera natureza no sirkunstansia hot-hotu husi kazu hirak ne’e, no sei hola desizaun tuir faktu no evidensia ne’ebe produz durante julgamentu nia laran, maibe JSMP rekomenda atu desizaun tribunal tenke refleta duni no iha balansu tuir krimi ne’ebe mak arguidu sira komete.
Atu hetan informasaun kle’an favor kontaktu: Luis de Oliveira Sampaio Direitor Ezekutivu JSMP Diressaun Email: luis@jsmp.minihub.org
No comments:
Post a Comment